Mae Llywodraeth Cymru wedi diweddaru’r cyngor ar brynu nwyddau nad ydyn nhw’n hanfodol o siopau yn ystod y cyfnod clo dros dro.
Maen nhw’n dweud eu bod nhw wedi rhoi gwybod i siopau am drefn sy’n galluogi cwsmeriaid i gael eu heithrio o’r rheolau mewn rhai achosion.
Bydd y cyfyngiadau’n dod i ben ar Dachwedd 9.
Ond mae Llywodraeth Cymru’n dweud nad oes modd “symud oddi wrth yr egwyddor craidd fod rhaid i fanwerthwyr gyfyngu ar werthu nwyddau nad ydyn nhw’n hanfodol am y cyfnod clo dros dro”.
Ac maen nhw’n dweud mai “atal ymlediad y coronafeirws ac achub bywydau” yw diben y cyfyngiadau, a bod “gofyn i’r cyhoedd barhau i gefnogi’r ymdrechion drwy gyfyngu teithiau a siopa diangen”.
Beth allwn ni ei brynu erbyn hyn?
Mae canllaw Llywodraeth Cymru yn golygu bod modd prynu’r nwyddau canlynol:
- Bwyd a diod
- Cynnyrch atodol ar gyfer bwyd a diod, e.e. eitemau tafladwy i storio bwyd gan gynnwys ffoil, bagiau a ffilm blastig
- Cynnyrch golchi dillad a chynnal a chadw’r cartref, e.e. batris, goleuadau a thanwydd
- Cynnyrch ymolchi a mislif
- Meddyginiaethau
- Nwyddau i fabanod, gan gynnwys dillad
- Papurau newydd a chylchgronnau
- Cardiau cyfarchion
- Bwyd a nwyddau anifeiliaid
- Cynnyrch cynnal a chadw cerbydau a beiciau
Mwy am y stori hon
- Llywodraeth Cymru am “ddysgu gwersi” o ran cyfathrebu rheolau’r cloi dros dro, medd Vaughan Gething
- Tesco yn ymddiheuro am atal gwerthiant cynnyrch misglwyf yng Nghaerdydd
- Yr wythnos ddiwethaf oedd un o’r wythnosau mwyaf angheuol ers dechrau’r pandemig
- Adam Price yn beirniadu’r Ceidwadwyr am fanteisio’n wleidyddol ar waharddiad dadleuol
- Nwyddau nad ydyn nhw’n hanfodol: annog Llywodraeth Cymru i lacio’r rheolau
