Mae Nick Ramsay, Aelod o’r Senedd dros Sir Fynwy, wedi gadael y Blaid Geidwadol wedi i’r berthynas a’i blaid ddod o dan straen gynyddol yn ddiweddar.
Mae’r gwleidydd 45 oed, sydd yn wreiddiol o Gwmbrân, wedi cynrychioli’r blaid Geidwadol yn y Senedd ers 2007.
Fodd bynnag, daeth cyhoeddiad ar gychwyn mis Mawrth na fyddai’n brwydro am sedd Mynwy yn y Senedd yn dilyn cyfarfod o gangen leol y Ceidwadwyr.
Roedd hynny yn dilyn cyfres o ddigwyddiadau, sydd wedi peri i’r berthynas rhwng y gwleidydd a’r blaid i dorri lawr.
Cefndir
Yn ôl adroddiadau, fe wnaeth y gwleidydd dynnu’n ôl o’r cyfarfod i ddewis ymgeisydd yn dilyn penderfyniad i ailagor y broses, yn sgil deiseb gan aelodau lleol.
Aeth Mr Ramsay ati i fygwth cyfraith – er iddo gael ei rybuddio gan ei gyfreithwyr y gallai wynebu costau.
Daeth Mr Ramsay a’r achos i ben yn ddiweddarach – a gorchmynnodd barnwr ei fod yn talu costau o £25,000.
Pleidleisiodd cyfarfod cyffredinol arbennig y blaid leol i beidio ag ailgadarnhau Mr Ramsay fel ymgeisydd.
Peter Fox, arweinydd Cyngor Sir Fynwy, gafodd ei ddewis i gynrychioli’r Ceidwadwyr ar ôl curo Carolyn Webster, ymgeisydd Gorllewin Caerdydd yn etholiad cyffredinol 2019.
Dŵr poeth
Y diwrnod canlynol, fe gafodd ei ryddhau o’r ddalfa heb gyhuddiadau – ond mi barhaodd ei waharddiad o’r grŵp Ceidwadol yn y Cynulliad mewn grym.
O ganlyniad, penderfynodd yr Aelod Cynulliad i siwio arweinydd ei blaid ei hun ar y pryd, Paul Davies AoS, cyn i farnwr yr Uchel Lys orchymyn ei fod yn cael dychwelyd i grŵp y Ceidwadwyr yn y Cynulliad. Yn ddiweddarach cafodd ei dderbyn yn ôl i’r Blaid Geidwadol yn llawn.
Yn ddiweddarach, bu rhai o aelodau’r senedd ganfod eu hunain mewn dŵr poeth ar ôl yfed alcohol yn y Senedd dyddiau ar ôl i waharddiad ar alcohol o safleoedd trwyddedig ddod i rym ledled Cymru.
Er ei fod wedi gwadu bod ynghlwm â’r digwyddiad, mae lle i gredu mai Nick Ramsay, oedd pedwerydd Aelod o’r Senedd oedd yn bresennol yn y digwyddiad.
Sylwadau a Sedd Mynwy
Mewn datganiad, dywedodd Mr Ramsay: “Rwyf heddiw wedi ymddiswyddo o Blaid Geidwadol Cymru a Grŵp Ceidwadwyr Cymru yn y Senedd.
“Rwyf wedi fy nadrithio fwyfwy gydag agweddau ar gyfeiriad y Blaid Geidwadol a’i symudiad oddi wrth tir canol gwleidyddiaeth y Deyrnas Unedig.”
“Gallaf gadarnhau y byddaf yn ymladd etholiad y Senedd ar lwyfan annibynnol, llwyfan o newid go iawn,” meddai.
Yn sgil ei benderfyniad i adael y blaid a sefyll yn annibynnol, bydd Nick Ramsay (Annibynnol) yn herio Peter Fox (Ceidwadwyr), Hugh Kocan (Plaid Cymru), Jo Watkins (Democratiaid Rhyddfrydol) a Catrin Maby (Llafur) Ian Chandler (Gwyrdd) a Laurence Williams (Gwlad) ar gyfer y sedd ar Fai 6.
Nick Ramsay ddim am frwydro am sedd Mynwy yn y Senedd
