Mae Eluned Morgan, Prif Weinidog Cymru, wedi cyhoeddi ei neges Nadolig gyntaf ers iddi ddechrau yn y swydd.
“Dw i eisiau dymuno Nadolig Llawen a heddychlon i chi gyd – ble bynnag a sut bynnag rydych chi’n dathlu,” meddai.
“Dw i’n gobeithio bo chi’n gallu treulio’r amser yma gyda theulu a ffrindiau, a chael rhywfaint o amser i orffwys!
“Dw i hefyd eisiau dweud diolch o galon i’r nifer fawr o bobol fydd yn gweithio dros yr ŵyl.
“O’n gwasanaethau brys, i’r NHS [Gwasanaeth Iechyd Gwladol] a’r cynghorau lleol – diolch am bopeth rydych chi’n ei wneud i’n cadw ni’n ddiogel yr adeg yma o’r flwyddyn.
“Ac wrth gwrs i’r holl wirfoddolwyr sy’n rhoi o’u hamser i eraill – dyma wir ysbryd y Nadolig.
“Gall y Nadolig fod yn amser unig i lawer.
“Felly, os ydych chi am wneud un peth dros y Nadolig, gwnewch yn siŵr eich bod yn tsiecio i mewn ar bobol eraill yn eich cymuned.
“Gyda’n gilydd, gallwn ni gyd edrych ymlaen at y flwyddyn newydd gyda gobaith.
“Nadolig Llawen a Blwyddyn Newydd Dda.”
