Mae rheolwr Stadiwm Principality wedi condemnio ymddygiad cefnogwr a gamodd ar y cae yn ystod gêm rygbi Cymru yn erbyn De Affrica heddiw (dydd Sadwrn, Tachwedd 6).

Fe ddigwyddodd wrth i Gymru ymosod, gyda Liam Williams yn rhedeg i gyfeiriad y cefnogwr wrth i stiwardiaid geisio dal ac atal y dyn.

Daw’r digwyddiad wythnos yn unig ar ôl i Jarvo, digrifwr sy’n adnabyddus ar y cyfryngau cymdeithasol am geisio mentro i gaeau gwahanol gampau, fynd heibio stiwardiaid cyn camu ar y cae a sefyll ochr yn ochr â chwaraewyr Seland Newydd wrth iddyn nhw ganu’r anthem genedlaethol.

Fe gyhoeddodd e fideo o’i ymdrechion wedi’r digwyddiad.

Ac mae’r digwyddiad heddiw wedi ennyn ymateb chwyrn ar y cyfryngau cymdeithasol.

“Rydym yn condemnio’r math yma o ymddygiad yn y ffordd gryfaf bosib,” meddai Mark Williams, rheolwr y stadiwm.

“Cafodd ei ddal a’i dywys ar unwaith o’r stadiwm a’i drosglwyddo i Heddlu’r De.”

Deiseb

Mae deiseb wedi’i sefydlu ar y we ers y digwyddiad yn enwi’r unigolyn, Callum Rowe.

Mae’n galw ar iddo gael ei wahardd am oes rhag mynd i’r stadiwm.

Mae’r ddeiseb yn honni iddo atal cais i Liam Williams a buddugoliaeth i Gymru.

Mae wedi denu degau o lofnodion eisoes.

Rygbi

Mynediad Jarvo i gae Stadiwm Principality “yn ddigwyddiad anffodus”

Rheolwr y stadiwm yn ymateb i’r digwyddiad, yn ôl adroddiadau
Rygbi

‘Jarvo’ yn cyhoeddi fideo ar ôl llwyddo i gyrraedd cae Stadiwm Principality

Mae’r digrifwr, sy’n dipyn o seren ar y cyfryngau cymdeithasol, wedi llwyddo i gamu ar sawl cae chwaraeon
Chwaraeon

Galw ar Undeb Rygbi Cymru i atal gwerthu alcohol yn ystod gemau

Gwern ab Arwel

Wynford Ellis Owen wedi gwneud yr alwad ar ôl iddo fod yn gwylio’r gêm yn erbyn Seland Newydd yn Stadiwm Principality