Byddwch chi’n sylwi yn ystod y dydd heddiw (dydd Llun, Rhagfyr 11) na fydd ein tîm yn diweddaru’r wefan hon â straeon newyddion.
Mae rheswm da iawn am hynny, gyfeillion – mae golwg360 yn nodi ac yn dathlu Diwrnod Llywelyn Ein Llyw Olaf. Fe gawson ni i gyd gynnig diwrnod i ffwrdd adeg Coroni Brenin Lloegr, wrth gwrs. Ond safbwynt y cwmni ar y pryd – ac yn dal i fod – yw fod yn llawer gwell gennym, fel gwasanaeth newyddion annibynnol Cymraeg sy’n canolbwyntio ar Gymru, nodi a dathlu diwrnodau o bwys Cymraeg a Chymreig.
Darllenwch ragor am Lywelyn Ein Llyw Olaf.
Felly dyma ni’n datgan nad ydyn ni wrth ein desgiau heddiw.
Sut bynnag fyddwch chi’n dathlu heddiw – mwynhewch, lle bynnag y byddwch chi yng Nghymru a thu hwnt!
Wrth i’r flwyddyn dynnu tua’i therfyn, ga’i ddiolch yn fawr i’n holl ddarllenwyr a dilynwyr ar y cyfryngau cymdeithasol am eich holl gefnogaeth yn ystod y flwyddyn.
Diolch,
Alun, Golygydd golwg360
Dilynwch ni:
Facebook
X / Twitter
Instagram
TikTok
Nod yr adran Safbwynt yw sbarduno trafodaeth am Gymru a thrafodaeth am y byd yn Gymraeg. Gallwch gyfrannu erthyglau am unrhyw bwnc – diwylliant, yr iaith, celfyddydau, teledu, radio, yr amgylchedd, twristiaeth, iechyd, gwleidyddiaeth, hanes, addysg, yr economi, yr iaith… unrhyw beth, ewch amdani!
Darllen rhagor
Ar ôl cyflwyno’ch erthygl, bydd golygyddion Golwg yn cael cyfle i’w golygu, ei chymeradwyo, a’i chyhoeddi – bydd eich erthygl wedyn yn ymddangos ar adran Safbwynt ar Golwg360.
Byddwn hefyd yn rhannu eich erthygl i’n dilynwyr ar Twitter a Facebook, felly cofiwch dynnu sylw at eich erthygl a’i hanfon at eich ffrindiau ac unrhyw un arall a allai fod â diddordeb. Bydd eich enw ar y wefan yn gweithredu fel dolen i’ch holl gyfraniadau – felly gallwch ei drin ychydig fel blog personol.
Os byddwch am gyfrannu’n rheolaidd – cysylltwch! Gallwn drefnu tanysgrifiad am ddim i gyfranwyr rheolaidd.
Mwynhewch y sgrifennu… a’r darllen!
Darllenwch ein canllawiau ar gyfrannu i’r adran Safbwynt
