Mae Prif Hyfforddwr Cymru, Wayne Pivac, wedi galw tri chwaraewr arall i garfan Cymru.
Daw hyn yn dilyn anafiadau i Dan Lydiate, Tomos Williams, Johnny Williams ac Hallam Amos, ym muddugoliaeth Cymru yn erbyn Iwerddon ar benwythnos agoriadol y Bencampwriaeth.
Mae Lydiate allan o weddill y Bencampwriaeth ac mae asesiadau pellach yn cael eu cynnal ar y chwaraewyr eraill dros y dyddiau nesaf.
Bydd y canolwr Willis Halaholo, y blaenasgellwr James Botham, a’r mewnwr Lloyd WIlliams, sydd yn chwarae i Gleision Caerdydd, yn ymuno â’r garfan cyn i Gymru deithio i Murrayfield i wynebu’r Alban.
Yn wreiddiol o Seland Newydd, mae Willis Halaholo yn gymwys i chwarae i Gymru drwy breswyliad – cafodd ei enwi yng ngharfan gyntaf Wayne Pivac yn 2019 i wynebu’r Barbariaid ond bu rhaid iddo dynnu nôl oherwydd anaf i’w ben-glin.
Enillodd James Botham, ŵyr y cyn-gricedwr enwog Ian Botham, ei gap rhyngwladol cyntaf y llynedd ac mae Lloyd Williams yn dychwelyd i’r garfan ar ôl cael ei gynnwys yn nhîm Cymru am y tro cyntaf ers 2016 yn ystod gemau’r hydref.
Bydd Cymru yn wynebu’r Alban ddydd Sadwrn, Chwefror 13, ac mae’r gic gyntaf am 4.45.
????? ??????: @cardiff_blues trio James Botham, Willis Halaholo and Lloyd Williams called into Wales' #GuinnessSixNations squad: https://t.co/OPfcrcKbVo
⠀
?????? ???? ?'? ?????? ?'? ?????? ??????? pic.twitter.com/oPKk1ZG1aY— Welsh Rugby Union ? (@WelshRugbyUnion) February 10, 2021
