Doedd hi ddim yn glasur o gêm wrth i Gymru ddychwelyd i Stadiwm Principality am y tro cyntaf mewn bron i flwyddyn brynhawn Sul.

Leigh Halfpenny hawliodd y pwyntiau cynnar, gan roi’r tîm cartref ar y blaen gyda’i gic gosb.

Ond ar ôl anafu ei ben-glin yn ystod y munudau cyntaf bu rhaid i Dan Lydiate, a oedd yn chwarae ei gêm gyntaf i Gymru ers 2018, adael y cae yn gynnar.

Yn fuan wedyn cafodd blaenasgellwr Iwerddon Peter O’Mahony ei anfon o’r cae am ruthro i mewn i dacl ar y prop Tomos Francis â’i ysgwydd.

Cafodd y drosedd ei gweld gan y dyfarnwr fideo, ac fe gafodd gerdyn coch.

Er i Halfpenny ychwanegu tri phwynt arall arweiniodd camgymeriadau gan Gymru at 14 dyn Iwerddon yn rheoli’r chwarae am weddill yr hanner.

Tarodd y Gwyddelod yn ôl gyda dwy gic gosb a chais hwyr i Tadhg Beirne.

Hanner amser – Cymru 6–13 Iwerddon

Parhaodd Iwerddon i reoli’r gêm ar ddechrau’r ail hanner.

Daeth cais cyntaf Cymru i George North wedi 48 munud, ond fethodd Halfpenny gicio’r pwyntiau ychwanegol.

Wrth i Gymru ddechrau ail afael yn y gêm croesodd yr asgellwr ifanc, Louis Rees-Zammit, yn y gornel.

Fe arweiniodd diffyg disgyblaeth Iwerddon at gic gosb rhwydd o flaen y pyst a alluogodd Halfpenny i ymestyn mantais Cymru i 8 pwynt.

Gyda deg munud yn weddill o’r gêm fe darodd y Gwyddelod yn ôl, yr eilydd Billy Burns yn cicio tri phwynt i gau’r bwlch unwaith eto.

Er i Iwerddon barhau i bwyso wedi i’r cloc droi’n goch camgymeriad gan Iwerddon daeth ar gêm i ddiwedd yn y pen draw wrth Billy Burns gicio’r bel yn farw.

Yn dilyn y gêm cadarnhaodd Prif Hyfforddwr Cymru, Wayne Pivac, bod hi’n annhebygol bydd Dan Lydiate a Tomos Williams a anafwyd yn ystod yr hanner cyntaf nac Johnny Williams ac Hallam Amos a adawodd y cae gyda chyfergyd ar gael i chwarae yn erbyn yr Alban penwythnos nesaf.

Cymru
21-16
Iwerddon

North, Rees-Zammit

Ceisiau

Beirne
Halfpenny

Trosiadau

Sexton

Halfpenny (3)

Ciciau Cosb

Sexton (2), Burns

Tîm Cymru

Olwyr: 15. Leigh Halfpenny, 14. Hallam Amos, 13. George North, 12. Johnny Williams, 11. Louis Rees-Zammit, 10. Dan Biggar, 9. Tomos Williams

Blaenwyr: 1. Wyn Jones, 2. Ken Owens, 3. Tomas Francis, 4. Adam Beard, 5. Alun Wyn Jones (C), 6. Dan Lydiate, 7. Justin Tipuric, 8. Taulupe Faletau

Eilyddion: 16. Elliot Dee, 17. Rhodri Jones, 18. Leon Brown, 19. Will Rowlands, 20. Josh Navidi, 21. Gareth Davies, 22. Callum Sheedy, 23. Nick Tompkins

 

Tîm Iwerddon

Olwyr: 15. Hugo Keenan, 14. Keith Earls, 13. Garry Ringrose, 12. Robbie Henshaw, 11. James Lowe, 10. Jonathan Sexton (C), 9. Conor Murray

Blaenwyr: 1. Cian Healy, 2. Rob Herring, 3. Andrew Porter, 4. Tadhg Beirne, 5. James Ryan, 6. Peter O’Mahony, 7. Josh van der Flier, 8. CJ Stander.

Eilyddion: 16. Ronan Kelleher, 17. Dave Kilcoyne, 18. Tadhg Furlong, 19. Iain Henderson, 20. Will Connors, 21. Jamison Gibson Park, 22. Billy Burns, 23. Jordan Larmour