Mae disgyblion ar draws y wlad wedi anadlu anadl o ryddhad.
Bellach, mae hi wedi cyhoeddi y bydd myfyrwyr yn derbyn graddau o’u hysgol neu goleg yn seiliedig ar waith maen nhw’n ei gwblhau dros gyfnod eu cwrs.
Cafodd y penderfyniad ei groesawu gan ddisgyblion ar sail tegwch… ac ar sail rhai materion allgyrsiol!
“Oni wedi bod yn poeni gymaint am hyn”
“Oni wedi bod yn poeni gymaint am hyn… felly dwi’n falch bod nhw wedi cyhoeddi hyn rŵan,” meddai Begw Elain, o Ddyffryn Nantlle, sy’n ddisgybl blwyddyn 11 yn Ysgol Brynrefail.
“Mae pobl ifanc yn mynd drwy gymaint ar hyn o bryd – ymdopi hefo’r lockdown a bob dim arall, felly maen nhw wedi tynnu llwyth o’r stress i ffwrdd.
“Rŵan, fedrwn ni ganolbwyntio ar drio cwblhau bob tasg mae’r athrawon yn ei osod i ni,” meddai, “a chymryd bob wythnos fel mae’n dod.
“Hefyd, oni’n poeni bod yr asesiadau am fod yr un adeg a’r Euros – felly dwi’n falch!”
“Mae o’n wrong bod nhw wedi disgwyl mor hir”
Mae’r cyhoeddiad yn rhyddhad i Cerys Elen o Fethesda hefyd, er y teimlai bod y cyhoeddiad wedi dod braidd yn hwyr.
“Mae o’n rong bod nhw wedi disgwyl mor hir,” meddai’r disgybl blwyddyn 11 o Ysgol Dyffryn Ogwen.
“Dylai nhw wedi gwneud y cyhoeddiad cyn ’Dolig i bawb gael ei brosesu fo a meddwl – tymor newydd, dechrau newydd.
“Doedd o ddim yn neis… ddim yn gwybod be oeddech chdi fod i wneud, adolygu, gwneud gwaith, gadael o a gwario mwy o amser ar waith ysgol? Roedd o dipyn bach yn confusing.
“Y munud ddoth o allan, oedd o’n fwy o foment lle oni’n meddwl – reit dwi’n gwybod be dwi angen gwneud rŵan, dwi’n gwybod be sydd yn mynd i ddigwydd ac mae o’n rhyddhau fi fwy i allu canolbwyntio ar waith cwrs.
“Mi fydd hynny’n dangos i gyflogwyr, i Brifysgolion ac i’r chweched, mod i’n allu cadw safon fy ngwaith i fyny am amser hi a thrio fy ngorau dros gyfnod hir o amser.”
“Y ffordd fwyf teg o roi graddau eleni”
“I fod yn onest, rwy’n hapus â’r cadarnhad ddoe a fi’n credu fod pawb yn falch,” meddai Elin Mai Williams o Aberystwyth, sydd yn ddisgybl Blwyddyn 13 yn Ysgol Penweddig.
“Ni’n fwy ymwybodol o’r sefyllfa ac yn gwybod be allwn ni anelu ato.
“Roedd pawb yn dechrau danto achos oedden nhw ddim yn siŵr os oedd pwrpas i wneud y gwaith – ond nawr mae pawb yn glir.
“Fydde fe ddim yn deg ac rwy’n credu, ni wedi cael cam ar hyn o bryd o fod yn gweithio gartref achos mae rhai llai ffodus nag eraill a heb yr adnoddau iawn – felly dwi’n meddwl fod hyn y ffordd fwyaf teg o roi graddau eleni.”
Cadarnhau mai ysgolion a cholegau fydd yn dyfarnu graddau disgyblion eleni
Ymgyrchu i gael gwared ar asesiadau Lefel A a TGAU – dros 6,000 yn arwyddo deiseb
