Oes, mae llai na thri mis i fynd bellach tan Ewro 2016 – ac ychydig dros wythnos yn unig nes i dîm Cymru chwarae eu gêm gartref olaf cyn teithio draw i Ffrainc ar gyfer y twrnament.
Digon o reswm felly i ni ddod at ein gilydd ar gyfer pod pêl-droed diweddaraf Golwg360, yn enwedig gan fod Chris Coleman yn enwi’i garfan ddydd Gwener ar gyfer y ddwy ornest gyfeillgar nesaf yn erbyn Gogledd Iwerddon a’r Wcráin.
Yn ymuno ag Owain Schiavone ac Iolo Cheung heddiw mae Russell Todd, un o sylfaenwyr y Podcast Pêl-droed sydd hefyd wedi bod yn cadw llygad ar hynt a helynt y tîm cenedlaethol ers bron i ddwy flynedd.
Mae’r tri yn trafod rhai o’r chwaraewyr allai gael cyfle yn ystod y gemau nesaf, yn enwedig yn sgil anafiadau i eraill, wrth i Coleman gael un cyfle arall i fwrw golwg dros y garfan.
Yn ogystal â hynny mae ambell bwnc trafod arall yn dwyn y sylw, gan gynnwys sylwadau Ryan Giggs am y grŵp Ewro 2016 a rhai o’r caneuon pêl-droedaidd fyddwn ni’n eu clywed dros y misoedd i ddod.
Nod yr adran Safbwynt yw sbarduno trafodaeth am Gymru a thrafodaeth am y byd yn Gymraeg. Gallwch gyfrannu erthyglau am unrhyw bwnc – diwylliant, yr iaith, celfyddydau, teledu, radio, yr amgylchedd, twristiaeth, iechyd, gwleidyddiaeth, hanes, addysg, yr economi, yr iaith… unrhyw beth, ewch amdani!
Darllen rhagor
Ar ôl cyflwyno’ch erthygl, bydd golygyddion Golwg yn cael cyfle i’w golygu, ei chymeradwyo, a’i chyhoeddi – bydd eich erthygl wedyn yn ymddangos ar adran Safbwynt ar Golwg360.
Byddwn hefyd yn rhannu eich erthygl i’n dilynwyr ar Twitter a Facebook, felly cofiwch dynnu sylw at eich erthygl a’i hanfon at eich ffrindiau ac unrhyw un arall a allai fod â diddordeb. Bydd eich enw ar y wefan yn gweithredu fel dolen i’ch holl gyfraniadau – felly gallwch ei drin ychydig fel blog personol.
Os byddwch am gyfrannu’n rheolaidd – cysylltwch! Gallwn drefnu tanysgrifiad am ddim i gyfranwyr rheolaidd.
Mwynhewch y sgrifennu… a’r darllen!
Darllenwch ein canllawiau ar gyfrannu i’r adran Safbwynt
