Mae hi’n ddechrau ar ymgyrch ragbrofol newydd i dîm pêl-droed Cymru unwaith eto, gyda Gareth Bale a’r gweddill yn gobeithio y byddwn nhw’n hedfan allan i Ffrainc ar gyfer Ewro 2016 mewn dwy flynedd.
Mae’r cyfan yn dechrau gyda thrip i Andorra nos Fawrth nesaf, ac mae Chris Coleman wedi gallu enwi carfan gryf sy’n cynnwys y rhan fwyaf o’i brif sêr.
Owain Schiavone, Iolo Cheung a Rhys Jones sydd yn ôl ar gyfer pod pêl-droed cyntaf y tymor newydd felly, wrth iddyn nhw drafod yr helynt o gwmpas y cae artiffisial a phwy hoffen nhw weld yn y tîm, yn enwedig yn safle’r cefnwr chwith a’r ymosod.
Mae’r gwahaniaeth barn rhwng Joe Allen a Jonathan Williams am y cae 3G, a sylwadau Joniesta fod buddugoliaeth o 1-0 yn ddigon, hefyd yn cael sylw.
Fe symudodd dau o garfan Cymru, Emyr Huws a Tom Lawrence, i glybiau newydd ar ddiwedd y ffenestr drosglwyddo ddiweddar, ac mae’r tri hefyd yn ystyried a oedd rheiny’n benderfyniadau doeth ar gyfer eu gyrfaoedd.
Nod yr adran Safbwynt yw sbarduno trafodaeth am Gymru a thrafodaeth am y byd yn Gymraeg. Gallwch gyfrannu erthyglau am unrhyw bwnc – diwylliant, yr iaith, celfyddydau, teledu, radio, yr amgylchedd, twristiaeth, iechyd, gwleidyddiaeth, hanes, addysg, yr economi, yr iaith… unrhyw beth, ewch amdani!
Darllen rhagor
Ar ôl cyflwyno’ch erthygl, bydd golygyddion Golwg yn cael cyfle i’w golygu, ei chymeradwyo, a’i chyhoeddi – bydd eich erthygl wedyn yn ymddangos ar adran Safbwynt ar Golwg360.
Byddwn hefyd yn rhannu eich erthygl i’n dilynwyr ar Twitter a Facebook, felly cofiwch dynnu sylw at eich erthygl a’i hanfon at eich ffrindiau ac unrhyw un arall a allai fod â diddordeb. Bydd eich enw ar y wefan yn gweithredu fel dolen i’ch holl gyfraniadau – felly gallwch ei drin ychydig fel blog personol.
Os byddwch am gyfrannu’n rheolaidd – cysylltwch! Gallwn drefnu tanysgrifiad am ddim i gyfranwyr rheolaidd.
Mwynhewch y sgrifennu… a’r darllen!
Darllenwch ein canllawiau ar gyfrannu i’r adran Safbwynt
