Mae Clwb Criced Sain Ffagan wedi cadarnhau y bydd digwyddiad elusennol er cof am Tom Maynard, cyn-gricedwr Morgannwg, yn cael ei gynnal ar Fedi 10 eleni.
Bu’n rhaid canslo digwyddiad Ymddiriedolaeth Tom Maynard y llynedd o ganlyniad i gyfyngiadau Covid-19.
Bydd modd cynnal criced ar lawr gwlad eto yng Nghymru o Orffennaf 10, ac mae llacio’r cyfyngiadau’n golygu bod modd bwrw ymlaen gyda’r cynlluniau i gofio’r chwaraewr 23 oed fu farw yn 2012.
Ei dad Matthew yw prif hyfforddwr Morgannwg.
Y digwyddiad
Ar Fedi 10, fe fydd cinio tri chwrs ac adloniant yng Nghlwb Criced Sain Ffagan yng Nghaerdydd.
Bydd gêm griced yn cael ei chynnal wedyn rhwng Sain Ffagan a thîm o wahoddedigion Matthew Maynard.
Dywed y trefnwyr fod modd archebu lle drwy gysylltu â Jane John drwy e-bost: jane.john123@icloud.com.
Her Tri Chopa yn enw Tom Maynard yn dod i ben ar gopa’r Wyddfa
Ymddiriedolaeth Tom Maynard yn rhoi cymorth i’r genhedlaeth nesaf
Morgannwg: Tîm buddugol ’97 yn ail-uno yn enw Tom Maynard
Taith feics yn codi dros £120,000 er cof am Tom Maynard
Ail ddawns flynyddol er cof am gricedwr
