Mae teyrngedau wedi eu rhoi i Dave R Edwards, prif leisydd y band Datblygu, sydd wedi marw yn 56 oed.
Mewn datganiad, dywedodd label recordiau Ankst ei fod wedi marw yn ei gartref yng Nghaerfyrddin dros y penwythnos. Roedd wedi bod yn dioddef yn ddiweddar gyda phroblemau iechyd gan gynnwys epilepsi a chlefyd y siwgr.
Nos da Dave x ? pic.twitter.com/CFGGSlRpdZ
— ankst (@ankstmusik) June 22, 2021
Bydd ‘Dave Datblygu’ yn cael ei gofio fel arloeswr oedd yn barod i herio a phrocio hwyl at ddiwylliant Cymru ac mae ei ddylanwad yn amlwg ymhlith degau o fandiau Cymreig.
Mae’r triawd o albymau, Wyau (1988), Pyst (1990) a Libertino (1993) yn cael eu hystyried ymysg y gorau, a’r pwysicaf yn hanes cerddoriaeth Gymreig.
A dim ond y llynedd y rhyddhaodd Datblygu eu halbym ddiweddaraf, Cwm Gwagle, sydd wedi cyrraedd rhestr fer ‘Albym Gymraeg y Flwyddyn’.
Daeth hyn wedi i Datblygu ddychwelyd yn 2015 gyda’r albym Porwr Trallod, wnaeth gyrraedd rhestr fer y Welsh Music Prize.
Mae effaith ddiwylliannol ac artistig Datblygu eisoes yn sicr, ac mae ei farwolaeth yn golled enfawr i’r byd cerddoriaeth yng Nghymru.
“Arth o ddyn”
Cafodd y grŵp ei ffurfio yn 1982 gan David R Edwards a T Wyn Davies, gyda Pat Morgan yn ymuno ddwy flynedd yn ddiweddarach.
Pat Morgan oedd un o’r cyntaf i dalu teyrnged iddo, gan ddweud: “Nid yw David gyda ni mwyach. Roedd yn un o’r ffrindiau gorau y gallech ei gael erioed. Personoliaeth enfawr, hael, arth o ddyn; bydd ei ddylanwad yn byw ymlaen.”
David is no longer with us. He was one of the best friends you could ever have. A huge, generous personality, a bear of a man; his legacy will live on.
— patricia morgan (@patblygu) June 22, 2021
Bydd Tim Burgess, o’r band ‘Charlatans’, yn cynnal parti gwrando i’r albym 1985-1995 – sef casgliad o ganeuon gorau Datblygu ar hyd y ddegawd honno – i gofio am Dave R Edwards.
Sad to hear of the passing of David R. Edwards
In his memory 1985 – 1995 by Datblygu will be our featured album at The @LlSTENlNG_PARTY on Friday July 2nd at 7pm (??????? time)
No guests, no tweets from us but a chance to share thoughts and memories pic.twitter.com/bKspHTJyVY
— Tim Burgess (@Tim_Burgess) June 22, 2021
Mae’r Prif Weinidog Mark Drakeford hefyd wedi talu teyrnged iddo, gan ddweud ei fod wedi chwarae “rhan allweddol yn sefydlu y diwylliant rydym yn ei nabod a’i fwynhau heddiw”.
Newyddion hynod o drist. Chwaraeodd ran allweddol yn sefydlu y diwylliant rydym yn ei nabod a’i fwynhau heddiw.
Incredibly sad news – Wales has lost a cultural giant. https://t.co/KpSBNd4GJB
— Mark Drakeford (@fmwales) June 22, 2021
“Cymeriad hoffus”
Ond mae’n amlwg nad dim ond fel arloeswr ac athrylith o gerddor y bydd Dave R Edwards yn cael ei gofio.
Bydd y band ‘Ail Symudiad’ yn ei gofio fel “cymeriad hoffus ac annwyl iawn”.
Trist iawn i glywed y newyddion am ein ffrind Dave Datblygu Edwards heno. O'dd Dave ddim yn unig yn ddyn talentog, ond yn gymeriad hoffus ac annwyl iawn. Ma Aberteifi a Chymru wedi colli rhywun sbeshal heddi. pic.twitter.com/SSYCNPdVEm
— Ail Symudiad (@AilSymudiadBand) June 22, 2021
A bydd David Wrench, a ail-gymysgodd yr anfarwol Maes E yn cofio ‘Dave’ yn disgyn dros ei babell yn yr Eisteddfod.
I’ll never forget the first time I met Dave. I was 18 He fell over my tent in an Eisteddfod in the dark. I got out to see who it was. I was starstruck. He told me he liked my band and we had a drink. He was incredibly generous and warm to me. It made a huge impression.
— david wrench (@davidwrench) June 22, 2021
“Dim geiriau”“
Doedd gan Dylan Ebenezer “ddim geiriau”, meddai.
Dim geiriau i ymateb i hyn.
Yn wahanol i Dave
“Pan mae'r teimlad yno mae bywyd yn werth parhau…
Ond yn ei absenoldeb mae'r diweddglo yn agosau” ❤️ https://t.co/lpwVFyjREr— Dylan Ebenezer (@DylanEbz) June 22, 2021
- Gallwch ddarllen cyfweliad Datblygu gyda Golwg, ar adeg rhyddhau’r albym ‘Cwm Gwagle’ y llynedd, heb wal dalu, isod.
Datblygu yn dal i gael sbort
