Myfyrwyr Aberystwyth yn dathlu ennill Eisteddfod Ryng-gol 2015 (llun: UMCA)
Dros y penwythnos, fe dyrrodd dros 600 o fyfyrwyr Cymraeg o bob cwr o Gymru i Aberystwyth ar gyfer penwythnos yr Eisteddfod Ryng-golegol 2015.
Dyma oedd y canlyniadau terfynol swyddogol, wedi eu darparu gan Lywydd UMCA Miriam Williams.
Prifysgol Abertawe – 10
Prifysgol Aberystwyth – 1446
Prifysgol Bangor – 1312
Prifysgol Caerdydd – 209
Prifysgol y Drindod Dewi Sant – 6
Aberystwyth oedd yn fuddugol felly ar eu tomen eu hunain, gan gipio’r tlws oddi ar Fangor oedd wedi ennill llynedd yn Abertawe.
Gala Chwaraeon
Ar brynhawn dydd Gwener 6 Mawrth, cyn yr Eisteddfod dydd Sadwrn, fe gynhaliwyd y twrnament chwaraeon ar gaeau Blaendolau rhwng Aberystwyth, Bangor, Caerdydd ac Abertawe.
Enillwyr y twrnament oedd Aberystwyth, a dyma’r canlyniadau unigol:
Pêl-droed bechgyn:
1af – Caerdydd
2il – Aberystwyth
3ydd – Bangor
Pêl-droed merched:
1af – Aberystwyth
2il – Bangor
3ydd – Caerdydd
Rygbi bechgyn:
1af – Aberystwyth
2il – Bangor
3ydd – Caerdydd ac Abertawe
Rygbi Merched:
1af – Aberystwyth
2il – Bangor
Yr Eisteddfod
Yn gynnar fore dydd Sadwrn, ar ôl noson fywiog yn y dref, dechreuodd yr Eisteddfod yn y Neuadd Fawr, Canolfan y Celfyddydau am 10:30yb.
Yr arweinyddion oedd Anni Llŷn ac Aeron Pughe, a’r beirniaid oedd Elain Llwyd, Non Williams a Tudur Phillips. Dyma ganlyniadau’r cystadlaethau llwyfan:
Prifysgol Aberystwyth – 249
Prifysgol Bangor – 272
Prifysgol Caerdydd – 86
Wrth gwrs, cyn y penwythnos, roedd pawb wedi bod yn brysur yn ennill pwyntiau i’w prifysgolion yn y cystadlaethau gwaith cartref.
Diolch i’r holl feirniaid am eu gwaith; Eurig Salisbury, Bleddyn Owen Huws, Arwel Pod, Lleucu Roberts, Marged Haycock, Ian Hughes, Guto Dafydd, Felicity Roberts, Matthew Woodfall-Jones, Manon Dafydd, Gwenan Griffith a Bethan Antur.
Dyma ganlyniadau’r gwaith cartref:
Prifysgol Abertawe – 10
Prifysgol Aberystwyth – 1167
Prifysgol Bangor – 1035
Prifysgol Caerdydd – 113
Prifysgol y Drindod Dewi Sant – 6
Bydd modd gweld canlyniadau’r holl waith cartref yn Yr Awen a fydd yn cael ei gyhoeddi yn fuan, ond dyma ganlyniadau’r prif gystadlaethau:
Y Gadair – Marged Tudur, Prifysgol Aberystwyth
Y Goron – Mared Roberts, Prifysgol Caerdydd
Y Fedal Ddrama – Alaw Gwyn, Prifysgol Aberystwyth
Y Fedal Gelf – Lleucu Lynch, Prifysgol Aberystwyth
Medal y Dysgwyr – Rhys Dilwyn Jenkins, Prifysgol Bangor
Tlws y Cerddor – Siwan Tudur, Prifysgol Bangor
Dymunai’r trefnwyr ddiolch o galon i holl noddwyr yr Eisteddfod: Prifysgol Aberystwyth, Y Coleg Cymraeg Cenedlaethol, Ras yr Iaith, Yr Hen Lew Du Aberystwyth, Kanes Aberystwyth a Siop y Pethe.
Diolch o galon hefyd i bwyllgor trefnu’r Eisteddfod eleni am eu holl waith dros y misoedd diwethaf. Bydd yr Eisteddfod yn teithio i Gaerdydd ar gyfer 2016.
