Y bws ysgol yn Alabama
Mae dyn wedi saethu gyrrwr bws ysgol yn Alabama, UDA, cyn cipio un o’r plant oddi ar y cerbyd.
Bu farw’r gyrrwr bws ac fe lwyddodd y dyn i ddianc gyda bachgen 6 oed. Mae Heddlu Alabama yn tybio iddo fod yn cuddio mewn byncer, ac mae heddlu arfog yn bresennol yn y safle ar hyn o bryd. Dywedodd llefarydd yr heddlu ei fod mewn “byncer tanddaearol, rhywle i gysgodi rhag tornado.”
Digwyddodd y saethu yn Midland City, Alabama, ar ôl i yrrwr y bws wrthod gadael y bachgen oddi ar y cerbyd. Mae llefarydd yr heddlu wedi cadarnhau bod plentyn yn bresennol yn y safle, ond nid oedden nhw am ryddhau fwy o wybodaeth.
