Cadoediad rhwng Israel a Hamas yn parhau dros nos

Mae’n ymddangos bod y cadoediad rhwng Israel a grwp Hamas wedi parhau dros nos.

Yn ol adroddiadau, roedd rhai rocedi wedi eu tanio o Lain Gaza ond mae’n debyg nad oedd Israel wedi ymateb.

Mae’r cadoediad yn dod a diwedd i’r ymosodiadau rhwng Israel a Gaza sydd wedi para am with niwrnod.

Bu miloedd o drigolion Gaza yn dathlu ar y strydoedd dros nos i ddathlu’r cadoediad.

Mae Cyngor Diogelwch y Cenhedloedd Unedig wedi galw ar Israel a Hamas i gadw at y cytundeb a ddaeth i rym am 9yh neithiwr.

Dros nos, dywed Lluoedd Amddiffyn Israel eu bod wedi arestio 55 o “derfysgwyr” yn y Llain Orllewinol, mewn ymdrech i “adfer heddwch.”