Tiriogaeth IS sy'n llwyd (Haghal Jagul CC0)
Mae milwyr IS (y Wladwriaeth Islamaidd) wedi llwyddo i gymryd meddiant ar 16 o bentrefi y Cwrdiaid yn ystod y 24 awr diwethaf yng ngogledd Syria ger y ffin gyda Twrci.
Achosodd hyn i bobol gyffredin redeg o’u cartrefi mewn ofn dial gan yr eithafwyr wrth iddyn nhw sgubo drwy’r ardal, meddai ymgyrchwyr.
Mae’r IS a’r Cwrdiaid wedi bod yn ymladd ei gilydd yn ffyrnig am fwy na blwyddyn mewn rhannau o ogledd Syria sy’n gartref i boblogaethau mawr o Gwrdiaid.
Yn ôl y Cenhedloedd Unedig, collodd mwy na 190,000 o bobl eu bywydau yn y gwrthdaro cymhleth sy’n rhan o ryfel cartref mwy eang Syria.
