Gobaith awdur newydd o Gaerdydd yw bydd pobol ifanc yn eu harddegau yn tyrru at ei llyfr cyntaf, diolch i’r diwyg a’r dyluniad bywiog…
Pan oedd Rhiannon Lloyd Williams yn ei hugeiniau cynnar, yn gweithio ar raglenni plant, dechreuodd wefan gyda’i ffrind a oedd yn cynnig storïau amser gwely i blant bach. Prin y meddyliai bryd hynny y byddai’r wefan yn arwain at gyhoeddi llyfr a nofel gydag un o weisg mwyaf Cymru.
