Awyren ryfel Pacistan
Mae Llu Awyr Pacistan yn dweud fod dwy awyren o India wedi hedfan trwy eu hawyr nhw ddydd Mawrth, a bod dwy awyren ryfel wedi eu hanfon i fynd i ddelio â’r ymyrraeth.
Mewn datganiad, mae’r Llu Awyr yn dweud fod yr awyrennau o India wedi gadael yr awyr yn syth bin wedi iddyn nhw gael eu herio. Roedden nhw wedi treulio tua dau funud yn awyr Pacistan.
Mae Pacistan ac India yn elynion pennaf. Maen nhw wedi cwffio tri rhyfel oddi ar 1947, ond maen nhw wedi ceisio gwella’r berthynas rhwng y ddwy wlad yn ystod y blynyddoedd diweddar.
