Mae’r Alban wedi llymhau ei rheolau coronafeirws ymhellach yn sgil camau tebyg yn Lloegr.
Bellach dim ond chwe pherson o ddwy aelwyd sydd yn cael ymgynnull naill ai tu fewn neu du allan.
Yn ôl Nicola Sturgeon, Prif Weinidog yr Alban, bydd y rheolau newydd yn dod i rym ar dydd Llun ac mi fydd ambell eithriad – gan gynnwys addoldai, a chwaraeon.
Yn y gorffennol roedd modd i wyth berson o dair aelwyd ymgynnull tu fewn, a 15 person o bum aelwyd ymgynnull y tu allan.
Lledaeniad yn “cyflymu”
Yn siarad yn ystod sesiwn holi’r Prif Weinidog dywedodd Nicola Sturgeon bod lledaeniad y feirws yn “cyflymu eto”. Mae arbenigwyr yn dyfalu y gallai’r gyfradd-R fod mor uchel ag 1.5 yno.
Daw’r cam wedi i Lywodraeth San Steffan gyhoeddi na fydd modd i bobol gwrdd mewn grwpiau o fwy na chwech yn Lloegr o dydd Llun ymlaen.
