Mae dyn ifanc wedi cael ei saethu’n farw ac un arall wedi’i anafu wrth iddyn nhw eistedd yn eu ceir yng nghanol dinas Sheffield neithiwr.
Cafodd y ddau ddyn 22 oed, eu saethu ar Heol Derek Dooley yn y ddinas tua 10.15yh nos Sul, meddai Heddlu De Swydd Efrog.
Cafodd y dynion eu cludo i’r ysbyty ond bu farw’r dyn oedd yn teithio yn y car. Mae’r gyrrwr yn parhau yn yr ysbyty ac mewn cyflwr sefydlog, meddai’r heddlu.
Mae’r ddau ddyn yn dod o ardal Sheffield.
Nid oes unrhyw un wedi cael eu harestio.
Cafodd dwy lon yn Sheffield Parkway yn y ddinas eu cau wrth i’r heddlu barhau gyda’u hymchwiliad.
Maen nhw’n annog unrhyw un sydd â gwybodaeth i ffonio Taclo’r Taclau’n ddienw ar 0800 555 111.
