James Leslie
Mae’r heddlu yn Swydd Efrog yn apelio am help y cyhoedd i ddod o hyd i ddyn 37 oed ar ôl i blismones gael ei saethu a’i hanafu mewn digwyddiad yn Leeds.
Roedd dau blismon wedi’u galw i ddigwyddiad mewn tŷ yn Ffordd Cardigan, Hyde Park, Leeds am 4yb bore ma. Cafodd gwn ei danio at y plismyn a chafodd y blismones anafiadau difrifol ond nid yw ei bywyd mewn perygl. Ni chafodd y plismon arall ei anafu.
Dywedodd Heddlu Gorllewin Swydd Efrog eu bod yn chwilio am James Leslie mewn cysylltiad â’r digwyddiad.
