Mae dyddiad wedi’i bennu ar gyfer achos llys dyn 19 oed sydd wedi’i gyhuddo o lofruddio ei chwaer 15 oed mewn parc carafannau ger Abergele.
Fe ymddangosodd Matthew Selby yn Llys y Goron Yr Wyddgrug heddiw (dydd Mercher, 4 Awst) wedi ei gyhuddo o lofruddiaeth ei chwaer, Amanda.
Roedd Matthew Selby, o Ashton-under-Lyne, Manceinion, wedi ymddangos yn y llys drwy gyswllt fideo o Garchar y Berwyn ar gyfer y gwrandawiad, wnaeth bara tua 15 munud. Fe siaradodd i gadarnhau ei enw yn unig.
Cafodd ei arestio wedi i swyddogion gael eu galw i adroddiad o “aflonyddwch domestig” ym Mharc Gwyliau Tŷ Mawr yn Nhywyn, ger Abergele, brynhawn Sadwrn (1 Awst).
Gosododd y Barnwr Rhys Rowlands ddyddiad prawf ar gyfer 28 Chwefror.
Mae disgwyl i’r achos bara pump i saith diwrnod.
Mae disgwyl i Matthew Selbyymddangos ar gyfer gwrandawiad i gyflwyno ple a pharatoi at yr achos ar 29 Hydref.
Parc gwyliau Tŷ Mawr: cyhuddo dyn, 19, o lofruddio merch 15 oed
