Mae’r Gweinidog Addysg, Kisty Williams, wedi dweud y bydd hi’n gwneud penderfyniad am arholiadau TGAU a Safon Uwch yn ail wythnos mis Tachwedd – ar ôl y cyfnod clo dros dro sydd yn dod i ben ar Dachwedd 9.

Oherwydd y clo byr a llym bydd ysgolion uwchradd ond yn agor i flynyddoedd 7 ac 8 ar ôl hanner tymor – bydd rhaid i ddisgyblion hŷn dderbyn addysg ar lein yn ystod y clo.

Mae Plaid Cymru wedi galw am ganslo arholiadau TGAU a Safon Uwch y flwyddyn nesaf er mwyn osgoi’r un sefyllfa â’r flwyddyn academaidd ddiwethaf.

“Mae angen datganiad ar unwaith na fydd arholiadau’n cael eu cynnal yn haf 2021″, meddai Siân Gwenllian AS.

Gweddill gwledydd Prydain

Does dim newid i arholiadau’r haf yn Lloegr a Gogledd Iwerddon.

Ond mae llywodraeth yr Alban wedi dweud na fydd yr arholiadau sy’n cyfateb i TGAU yn cael eu cynnal yno – yn hytrach bydd plant yn cael eu hasesu ar sailo gwaith cwrs.

Bydd y Gweinidog Addysg yn cynnal cynhadledd i’r wasg yfory i roi’r wybodaeth ddiweddaraf am ysgolion a phirfysgolion yng Nghymru o ran y clo dros dro.