Os nad yw’r llythrennau MAGA yn golygu llawer i chi, fe fydd y geiriau “Make America Great Again” yn sicr yn canu cloch. Y mudiad MAGA sydd o dan y chwyddwydr yn rhaglen ddogfen ddiweddar S4C, Trump: Byd Eithafol.
Y newyddiadurwraig Maxine Hughes sy’n dilyn rhai o gefnogwyr mwyaf ffyddlon cyn-arlywydd yr Unol Daleithiau. “Dros y flwyddyn ddiwethaf dw i wedi bod yn trio dod i ddeall nhw’n well a thrio cael cyfweliad efo Donald Trump ei hun,” meddai.
