Does dim byd llawer yn brafiach na 30 munud cheeky yn y stacs.
Rhesi o silffoedd trymion, yn symud yn unffurf ar hyd trac metel, i ddatguddio miloedd o gyfrolau – rhai’n gain, rhai’n garpiog. Pob un yn llawn potensial. Tu hwnt i ffeindio llyfr difyr, gallwch gael hyd i lofnod neu rigwm diddorol yn y marjin, blodyn wedi’i wasgu dros ganrif yn ôl, neu nodyn i ni ddarllenydd y dyfodol, gan berchennog sydd wedi’n gadael ers amser maith.
