Pan ddaeth y newyddion bod Radio Cymru’n ehangu oriau darlledu Radio Cymru 2, gan addo cynnydd yn y dewis i’r gynulleidfa radio Gymraeg, roeddwn i wrth fy modd.
Fe dybiais y byddai’r cynnydd mewn rhaglenni wedi eu seilio ar gerddoriaeth ar Radio Cymru 2 yn rhyddhau amser ar gyfer rhaglenni newydd, mwy swmpus ar Radio Cymru 1.
Fe ddechreuais i edrych ymlaen at fwy o raglenni arbenigol, fel y rhai sydd ar Radio 4, ac fel y bu gan Radio Cymru slawer dydd.
Wythnos am ddim! Rhowch gynnig ar danysgrifiad digidol Golwg+ i ddarllen cylchgrawn Golwg arlein, gyda’r saith diwrnod cyntaf yn rhad ac am ddim.
Cytuno’n llwyr. Cam gwag yw cael gwared a Stiwdio.
Dw i’n gwrando o bryd i’w gilydd ar orsafoedd radio (lled-wirfoddol) Llydaweg fel radio Bro Kerne a Radio Bro Gwened (gw. http://www.radiobreizh.bzh) ac yn ogystal â’r rhaglenni cerddoriaeth (sy’n chwaraeu traciau Cymraeg cyfoes yn aml) mae rhaglenni dogfen, trafodaeth ac ati.
Dw i hyd yn oed wedi gwrando ar raglen ddogfen hir ar ieithoedd lleiafrifol rhyngwladol – gyda deunydd a chyfweliadau o’r gwledydd hynny (rhaglen gyd-weithredol rygwladol mae’n debyg). Roedd yn ddifyr a safonol a does dim byd tebyg ar Radio Cymru. Sut mae trefn mor fechan yn llwyddo lle ryn ni’n methu?
Nid fel hyn roedd hi pan weithiais i yn Radio Cymru ar Hylo Bobol yn ei dyddiau cynnar, ac yn cynhyrchu neu’n helpu ar raglenni cylchgrawn, nodwedd (rhai gan ‘ohebwyr tramor’ lled-wirfoddol) ac yn ymwybodol bod ystod eang o fathau o raglenni eraill ar yr awyr neu ar y gweill.
Roedd Radio Cymru 2 hefyd yn gyfle rhy dda i’w cholli, ar gyfer darlledu i’r ifainc yn y nos a rhyddhau lle ar RC 1 ar gyfer mwy o raglenni llafar yn y dydd. Fyddai’r alrlwy ddim yn gorfod bod ar batrwm ‘trwm’ ‘Start the Week’ neu gyfres hanes syniadau In Our Time Melvyn Bragg (ond cofiwch fod rhain eto’n llwyddo ar ôl degawdau ar yr awyr).
