Mae prif hyfforddwr Cymru Wayne Pivac wedi enwi pum chwaraewr sydd heb eu capio yn ei garfan i herio Canada ddydd Sadwrn (3 Gorffennaf).
Bydd asgellwr y Scarlets Tom Rogers a chlo’r Dreigiau Ben Carter yn dechrau gêm brawf dros eu gwlad am y tro cyntaf, tra bod Gareth Thomas, Ben Thomas a Taine Basham wedi eu dewis fel eilyddion.
Bydd Leigh Halfpenny, ar y llaw arall, yn chwarae i Gymru am y 95ain gwaith ac yn gwneud ei 100fed ymddangosiad Prawf.
Jonathan Davies yw’r capten ar ôl iddo fethu allan ar le yng ngharfan y Llewod.
Mae Cymru heb 10 chwaraewr sydd ar ddyletswydd gyda’r Llewod yn Ne Affrica.
Mae’r grŵp hwnnw’n cynnwys Adam Beard a Josh Navidi, gafodd eu dyrchafu ar ôl i’r capten Alun Wyn Jones a Justin Tipuric ddioddef anafiadau yn ystod buddugoliaeth y Llewod dros Japan ddydd Sadwrn (26 Mehefin).
“Achlysur gwych”
“Rydym i gyd yn edrych ymlaen at ddychwelyd i Stadiwm Principality gyda chefnogwyr yn bresennol a dydd Sadwrn yn erbyn Canada, bydd yn achlysur gwych,” meddai prif hyfforddwr Cymru, Wayne Pivac.
“Mae’r haf hwn yn bwysig wrth i ni adeiladu tuag at Gwpan Rygbi’r Byd 2023, ac mae’n wych rhoi cyfleoedd i bump o chwaraewyr sydd heb eu capio.
“Maen nhw i gyd wedi creu argraff arnom ni wrth hyfforddi, yn haeddu cyfle ac rydym yn edrych ymlaen at eu gweld yn chwarae mewn gêm brawf.
“Ar ben arall y raddfa mae gennych Leigh Halfpenny, sy’n gwneud ei 100fed ymddangosiad Prawf.
“Mae’n garreg filltir gwbl haeddiannol i Leigh ac mae’n fwy melys gan fod ei deulu a chymaint o’n cefnogwyr yn gallu bod yn bresennol.”
Y Tîm
15 Leigh Halfpenny (Scarlets) (95 cap)
14 Jonah Holmes (Dreigiau) (5 cap)
13 Uilisi Halaholo (Gleision Caerdydd) (4 cap)
12 Jonathan Davies (Scarlets) (88 cap)
11 Tom Rogers (Scarlets) (Heb gap)
10 Callum Sheedy (Bristol Bears) (9 cap)
9 Tomos Williams (Gleision Caerdydd) (22 cap)
1 Nicky Smith (Gweilch) (39 cap)
2 Elliot Dee (Dreigiau) (37 cap)
3 Dillon Lewis (Cardiff Rugby) (28 cap)
4 Ben Carter (Dreigiau) (Heb gap)
5 Will Rowlands (Dreigiau) (7 cap)
6 Ross Moriarty (Dreigiau) (45 cap)
7 James Botham (Gleision Caerdydd) (6 cap)
8 Aaron Wainwright (Dreigiau) (29 cap)
Eilyddion
16 Ryan Elias (Scarlets) (17 cap)
17 Gareth Thomas (Gweilch) (Heb gap)
8 Leon Brown (Dreigiau) (17 cap)
19 Josh Turnbull (Gleision Caerdydd) (10 cap)
20 Taine Basham (Dreigiau) (Heb gap)
21 Kieran Hardy (Scarlets) (4 cap)
22 Ben Thomas (Gleision Caerdydd) (Heb gap)
23 Nick Tompkins (Saracens) (10 cap)
Alun Wyn Jones a Justin Tipuric allan o daith y Llewod
