Mae Peter O’Mahony, blaenasgellwr Iwerddon, wedi ei wahardd am dair gêm ar ôl cael ei anfon o’r cae yn erbyn Cymru.
Ar ôl rhuthro i mewn i dacl ar y prop Tomas Francis â’i ysgwydd, cafodd y drosedd ei gweld gan y dyfarnwr fideo.
Bu’n rhaid i Iwerddon chwarae gyda 14 dyn am weddill y gêm.
Fe ymddangosodd O’Mahony gerbron pwyllgor disgyblu annibynnol ddoe (dydd Mawrth, Chwefror 9).
Canfu’r pwyllgor fod ei weithredoedd yn gyfystyr â gwaharddiad chwe wythnos oherwydd “cyswllt byrbwyll â’r pen”.
Fodd bynnag, oherwydd ei ymddygiad blaenorol, cafodd ei waharddiad ei haneru i dair wythnos.
Bydd yn colli gemau nesaf Iwerddon yn erbyn Ffrainc, yr Eidal a’r Alban ond bydd ar gael i wynebu Lloegr ar benwythnos olaf y bencampwriaeth.
Mae chwaraewr rheng ôl Leinster, Jack Conan eisoes wedi ymuno â charfan Iwerddon cyn gêm Ffrainc ddydd Sul (Chwefror 14).
