Dim ond pedwar diwrnod o Gwpan y Byd sydd wedi dod, ond mae’n teimlo fel ein bod ni eisoes wedi cael gwledd o bêl-droed draw ym Mrasil â’r gemau cyntaf heb hyd yn oed orffen eto!
Yn ogystal â llond trol o goliau rydan ni wedi cael ambell i sioc, ambell i ddigwyddiad dadleuol, ac ambell i stori ddoniol o’r gemau hyd yn hyn.
Felly mae criw’r pod pêl-droed yn ôl i edrych yn ôl dros rhai o gemau agoriadol Cwpan y Byd, gyda Rhidian Jones a Rhys Evans yn ymuno ag Owain Schiavone ac Iolo Cheung heddiw.
Mae’r tri’n trafod pa dimau sydd wedi’u cyffroi nhw hyd yn hyn yn ogystal â phwy maen nhw’n disgwyl gweld yn gwneud yn dda ar ôl gwylio’r gemau cyntaf.
Hefyd yn bwnc trafod mae perfformiadau rhai o’r sylwebyddion, y defnydd o dechnoleg ar linell y gôl, a rhai o straeon difyr a doniol y twrnament.
Gallwch hefyd ddarllen asesiad Iolo Cheung o berfformiad Bosnia-Herzegovina, gwrthwynebwyr Cymru yn yr hydref, a gwrando nôl ar ein podlediad ar drothwy’r twrnament.
Nod yr adran Safbwynt yw sbarduno trafodaeth am Gymru a thrafodaeth am y byd yn Gymraeg. Gallwch gyfrannu erthyglau am unrhyw bwnc – diwylliant, yr iaith, celfyddydau, teledu, radio, yr amgylchedd, twristiaeth, iechyd, gwleidyddiaeth, hanes, addysg, yr economi, yr iaith… unrhyw beth, ewch amdani!
Darllen rhagor
Ar ôl cyflwyno’ch erthygl, bydd golygyddion Golwg yn cael cyfle i’w golygu, ei chymeradwyo, a’i chyhoeddi – bydd eich erthygl wedyn yn ymddangos ar adran Safbwynt ar Golwg360.
Byddwn hefyd yn rhannu eich erthygl i’n dilynwyr ar Twitter a Facebook, felly cofiwch dynnu sylw at eich erthygl a’i hanfon at eich ffrindiau ac unrhyw un arall a allai fod â diddordeb. Bydd eich enw ar y wefan yn gweithredu fel dolen i’ch holl gyfraniadau – felly gallwch ei drin ychydig fel blog personol.
Os byddwch am gyfrannu’n rheolaidd – cysylltwch! Gallwn drefnu tanysgrifiad am ddim i gyfranwyr rheolaidd.
Mwynhewch y sgrifennu… a’r darllen!
Darllenwch ein canllawiau ar gyfrannu i’r adran Safbwynt
