Fe fydd y ddau Gymro Gerwyn Price a Jonny Clayton yn herio’i gilydd ym Mhencampwriaeth Chwarae-gornest y Byd (World Matchplay) yn Blackpool nos Fawrth (Gorffennaf 20).

Mae rhywfaint o dorf yn cael bod yng Ngerddi’r Gaeaf ar gyfer y gystadleuaeth – rhywbeth mae Jonny Clayton wedi dweud wrth golwg sy’n ei helpu yn ystod gemau.

Fe wnaeth Price guro Jermaine Wattimena o 10-4 i sicrhau ei le, a hynny ar ôl colli’r rownd gyntaf bedair gwaith yn olynol dros y blynyddoedd diwethaf.

Roedd e ar ei hôl hi o ddwy gêm y tro hwn hefyd, ond fe darodd e ’nôl gyda chyfartaledd tri dart o 96.57 gan daflu 127 i fynd â’r ornest.

Mae Clayton wedi cyrraedd rownd yr 16 olaf am y tro cyntaf.

Fe gurodd y Cymro Cymraeg o Bontyberem yr Iseldirwr Dirk van Duijvenbode o 10-7, gan gaflu saith 180.

Darllenwch gyfweliadau Golwg â’r ddau Gymro:

Meistr, pencampwr yr Uwch Gynghrair… a’r byd?

Alun Rhys Chivers

“…os wyt ti’r teip o fachan sy’n joio mas gyda’r crowds a’r atmosffer, ti’n mynd i joio ar y stâj”

Y plastrwr sy’n dywysog y dartiau

Alun Rhys Chivers

Mae Jonny Clayton yn ddyn ei filltir sgwâr, yn Gymro i’r carn, yn blastrwr… ac yn un o chwaraewyr dartiau gorau’r byd

Gerwyn yn anelu at aros yn rhif un

Alun Rhys Chivers

Y Cymro yw chwaraewr dartiau gorau’r byd, ac mae yn benderfynol o gadw pethau felly