Mae llyfrau sydd wedi cyrraedd Rhestr Fer Saesneg Gwobr Llyfr y Flwyddyn eleni wedi cael eu henwi.
Cafodd y deuddeg llyfr eu dewis ar gyfer y pedwar categori – Barddoniaeth, Ffuglen, Ffeithiol Greadigol, a Plant a Phobol Ifanc – gan banel beirniadu’r gwobrau Saesneg.
Eleni, mae’r panel yn cynnwys y bardd a’r awdur Krystal Lowe; y newyddiadurwr a’r darlledwr Andy Welch; yr awdur a’r cyflwynydd Matt Brown; a’r bardd ac enillydd Gwobr ‘Rising Star’ Cymru 2020, Taylor Edmonds.
Dyma’r teitlau fydd yn cwffio am deitl Llyfr y Flwyddyn 2022 yn y Saesneg:
Rhestr Fer Saesneg 2022
Barddoniaeth
A Voice Coming From Then – Jeremy Dixon (Arachne Press)
Inhale/Exile – Abeer Ameer (Seren Books)
The Sorry Tale of the Mignonette – Angela Gardner (Shearsman Books)
Ffeithiol Greadigol
Roots Home: Essays and a Journal – Gillian Clarke (Carcanet)
The Journey is Home: Notes from a Life on the Edge – John Sam Jones (Parthian)
The Long Field – Pamela Petro (Little Toller Books)
Ffuglen
I am the Mask Maker and other stories – Rhiannon Lewis (Victorina Press)
Plain Sluts – Sian Hughes (STORGY Books)
The Fortune Men – Nadifa Mohamed (Viking, Penguin Random House)
Plant a Phobol Ifanc
Daydreams and Jellybeans – Alex Wharton (Firefly Press)
The Shark Caller – Zillah Bethell (Usborne)
The Valley of Lost Secrets – Lesley Parr (Bloomsbury Children’s Books)
‘Tasg anodd’
Ar ran y panel beirniadu, dywedodd Andy Welch, ei bod hi wedi bod yn dasg anodd dewis y teitlau.
“Roeddwn wrth fy modd yn cael fy ngwahodd i ymuno â phanel beirniadu Gwobr Llyfr y Flwyddyn, a chefais fy llorio gan ansawdd y ceisiadau,” meddai.
“Roedd yn dasg anodd dewis y rhestr fer, ond rydym o’r farn fod y dwsin yr ydym wedi eu dethol yn adlewyrchu natur wreiddiol, hynod adloniannol, ac amrywiol talentau llenyddol Cymreig.”
Bydd enillwyr y gwobrau Saesneg yn cael eu cyhoeddi ar BBC Radio Wales ar Orffennaf 29, a bydd cyfanswm o £14,000 yn cael ei rhannu ymysg yr enillwyr.
Mae’r Rhestr Fer Gymraeg wedi cael ei chyhoeddi yn barod, a bydd yr enillwyr yn cael eu cyhoeddi mewn cyfres o ddarlleniadau ar BBC Radio Cymru rhwng Gorffennaf 19 a 21.
Mae cyfle i bleidleisio am eich hoff gyfrol Gymraeg yng nghystadleuaeth Barn y Bobl ar wefan golwg360, a darllen am y cyfrolau sydd wedi dod i’r brig.
Cynhelir cystadleuaeth Barn y Bobl ar gyfer y cyfrolau Saesneg ar wefan yr Wales Arts Review.
