Clawr y rhifyn diweddaraf o Golwg
Dydd Iau diwethaf mi fuodd Golwg ar Grwydr yng Nghaernarfon, ac uchafbwynt y diwrnod oedd sgwrs â’r awdures Angharad Tomos yn siop Palas Print.
Yn ystod y sgwrs â gohebydd celfyddydau Golwg, Non Tudur, fe fu’r awdures yn trafod gŵyl newydd i gofio am y bardd R Williams Parry a’i hoffter o’i waith, yn ogystal â’i nofel newydd Paent! sydd yn sôn am baentio arwyddion adeg arwisgo’r Tywysog Siarl yn 1969.
Bu Angharad Tomos hefyd yn trafod y gymhariaeth rhwng R Williams Parry a T H Parry Williams, ei ysbrydoliaeth cyntaf hi i ddechrau ymgyrchu, a’r helynt diweddar gyda Neuadd Pantycelyn.
Ar bodledliad celfyddydau Golwg360 heddiw mae gennym ni rai o uchafbwyntiau’r sgwrs honno, yn ogystal â blas ar rai o’r straeon celfyddydau eraill sydd yn Golwg yr wythnos hon.
Nod yr adran Safbwynt yw sbarduno trafodaeth am Gymru a thrafodaeth am y byd yn Gymraeg. Gallwch gyfrannu erthyglau am unrhyw bwnc – diwylliant, yr iaith, celfyddydau, teledu, radio, yr amgylchedd, twristiaeth, iechyd, gwleidyddiaeth, hanes, addysg, yr economi, yr iaith… unrhyw beth, ewch amdani!
Darllen rhagor
Ar ôl cyflwyno’ch erthygl, bydd golygyddion Golwg yn cael cyfle i’w golygu, ei chymeradwyo, a’i chyhoeddi – bydd eich erthygl wedyn yn ymddangos ar adran Safbwynt ar Golwg360.
Byddwn hefyd yn rhannu eich erthygl i’n dilynwyr ar Twitter a Facebook, felly cofiwch dynnu sylw at eich erthygl a’i hanfon at eich ffrindiau ac unrhyw un arall a allai fod â diddordeb. Bydd eich enw ar y wefan yn gweithredu fel dolen i’ch holl gyfraniadau – felly gallwch ei drin ychydig fel blog personol.
Os byddwch am gyfrannu’n rheolaidd – cysylltwch! Gallwn drefnu tanysgrifiad am ddim i gyfranwyr rheolaidd.
Mwynhewch y sgrifennu… a’r darllen!
Darllenwch ein canllawiau ar gyfrannu i’r adran Safbwynt
