Dyma frechdan syml a blasus. Mae’r enw yma yn llythrennol yn golygu ‘bara pysgod’. I’w flasu ar ei orau, bydd angen ffilet ffres o’r dŵr. Ond lle nad yw hynny yn bosibl, gallwch fynd at werthwr pysgod. Hyd y gwn i, nid oes un rysáit benodol ar gyfer Balik Ekmek, felly dyma fersiwn o’r frechdan dw i’n ei mwynhau. Croeso i chi ychwanegu neu dynnu beth fynnoch chi.
Beth fyddwch chi ei angen?
Macrell
Plu tsili
Olew olewydd
Bagét
Pupur gwyn
Dail mintys
Sudd lemwn
Tomato
Nionyn coch
Mayonnaise
Paratoi
Torrwch ychydig o ddail mintys, nionyn coch a thomato, a’u rhoi i’r naill ochr.
Creu
Coginiwch y macrell ar y ddwy ochr ar radell gydag olew nes ei fod yn frown, ac ychwanegu pupur a halen.
Torrwch y bagét.
Gwasgarwch mayonnaise tu mewn i’r bagét.
Gosodwch y pysgodyn ar y bara.
Gosodwch y mintys, nionyn coch a’r tomato mewn bagét.
Gwasgwch sudd lemwn dros y cyfan, cyn ychwanegu ychydig o blu tsili, pupur a halen fel y mynnoch.
Eisteddwch yn ôl, a mwynhewch!
Nod yr adran Safbwynt yw sbarduno trafodaeth am Gymru a thrafodaeth am y byd yn Gymraeg. Gallwch gyfrannu erthyglau am unrhyw bwnc – diwylliant, yr iaith, celfyddydau, teledu, radio, yr amgylchedd, twristiaeth, iechyd, gwleidyddiaeth, hanes, addysg, yr economi, yr iaith… unrhyw beth, ewch amdani!
Darllen rhagor
Ar ôl cyflwyno’ch erthygl, bydd golygyddion Golwg yn cael cyfle i’w golygu, ei chymeradwyo, a’i chyhoeddi – bydd eich erthygl wedyn yn ymddangos ar adran Safbwynt ar Golwg360.
Byddwn hefyd yn rhannu eich erthygl i’n dilynwyr ar Twitter a Facebook, felly cofiwch dynnu sylw at eich erthygl a’i hanfon at eich ffrindiau ac unrhyw un arall a allai fod â diddordeb. Bydd eich enw ar y wefan yn gweithredu fel dolen i’ch holl gyfraniadau – felly gallwch ei drin ychydig fel blog personol.
Os byddwch am gyfrannu’n rheolaidd – cysylltwch! Gallwn drefnu tanysgrifiad am ddim i gyfranwyr rheolaidd.
Mwynhewch y sgrifennu… a’r darllen!
Darllenwch ein canllawiau ar gyfrannu i’r adran Safbwynt
