Dyma bryd hyfryd sy’n cyfuno blasau llawn natur a daear madarch castanwydd gyda chrystyn tarten menyn; cwrs cyntaf neu’r byrbryd perffaith i’n cynhesu wrth i oerfel yr hydref ein cyfarch cyn dyfodiad y gaeaf.
Mae tartenni madarch wedi cael eu mwynhau ers canrifoedd lawer, ond mae’r cyfuniad o fadarch castan a chrwst tarten yn debygol o fod yn ddatblygiad mwy diweddar yn Ffrainc a’r Unol Daleithiau. Mae madarch castan, sy’n cael eu galw hefyd yn fadarch cremini neu baby bella wedi’u tyfu a’u bwyta ers canrifoedd lawer. Mae ganddyn nhw flas cyfoethog, cneuog sy’n paru’n wych â chynhwysion eraill fel caws. Nid yn unig mae’r cyfuniad yn flasus, ond mae hefyd yn ddeniadol yn weledol, gyda’r madarch tywyll, cigog yn cyferbynnu’n hyfryd â’r darten aur.
Dros amser, mae cogyddion a selogion bwyd wedi mireinio’r rysáit tarten madarch castanwydd ymhellach trwy ychwanegu cynhwysion cyflenwol fel perlysiau, cawsiau, neu hyd yn oed nionod wedi’u carameleiddio. Fel dw i wedi’i wneud yma gydag amrywiadau ar flasau fel y caws. Mae’r ychwanegiadau hyn yn gwella’r proffil blas cyffredinol ac yn gwneud y darten hyd yn oed yn well i’w blasu!
Beth fydda i ei angen?
2 gwpan o fadarch cremini wedi’u sleisio
7 owns o does puff pastry o ansawdd da.
5 owns o gaws o’ch dewis wedi’i gratio (fe ddewisais i ddefnyddio caws nionyn wedi’i garameleiddio a chaws coch chive Caerloyw)
3 sialót wedi’u torri’n gylchoedd
1 clof garlleg wedi’i dorri yn fân
3 llwy fwrdd o fenyn
2 lwy fwrdd o finegr balsamig
2 lwy de o saws Soi
½ llwy de o siwgr brown tywyll
4 sbrigyn o deim ffres
Coginio
Cynheswch y popty i 375 gradd.
Rhowch y puff pastry ar daflen pobi wedi’i iro. Rhowch haenen hael o gaws ar y toes gan adael border o amgylch y tu allan i’r crwst heb unrhyw gaws.
Mewn sgilet fawr dros wres canolig, toddwch fenyn. Ychwanegwch fadarch, sialóts, garlleg, siwgr brown tywyll, saws Soi, a Balsamig. Gan droi’n aml, gadewch i’r cymysgedd madarch goginio a meddalu am 8-10 munud nes bod madarch yn crebachu i tua hanner eu maint gwreiddiol a’r sialóts yn meddalu ac yn dechrau carameleiddio.
Trowch y llosgwr i ffwrdd rhowch deim wedi’i dynnu o 2-3 sbrigyn i mewn.
Ychwanegwch y cymysgedd madarch a’i ledaenu ar y toes, gan adael border o amgylch y tu allan.
Ar ôl defnyddio’r holl gymysgedd madarch, rhowch ragor o gaws ac ychydig mwy o deim ar ben y cymysgedd madarch.
Crimpiwch ymylon y bordor gyda fforc (os hoffech chi wneud y rhain yn fwy pert).
Pobwch am 21-26 munud nes bod y toes yn frown euraidd. Gadewch i orffwys am 5 munud cyn mwynhau (gyda gwin, wrth gwrs!).
