Katherine Jenkins
Mae Katherine Jenkins wedi cyrraedd rownd gyn-derfynol un o sioeau teledu mwya’r Unol Daleithiau, er gwaethaf “gwall cwpwrdd dillad.”
Mae’r gantores o Gastell Nedd ymhlith pedwar olaf y sioe Dancing with the Stars. Yn y sioe fyw wythnos yma ceisiodd ei phartner rwygo siwt oddi arni er mwyn datgelu gwisg sgleiniog oddi tano, a daeth y siwt gyfan i ffwrdd ar wahân i goes dde’r trowsus.
Llwyddodd y Gymraes i gicio gweddill y trowsus i ffwrdd tra’n parhau i ddawnsio.
Mae Katherine Jenkins wedi dweud bod ei siâp denau newydd yn ganlyniad i’r ymarfer cyson ar gyfer y sioe ddawnsio.
