Fe fu gwrthdaro eto rhwng y protestwyr a’r heddlu, gydag o leiaf bump o bobol yn cael eu harestio am ddifrod troseddol ar ôl ymosod ar fanciau a pheiriannau twll yn y wal.
Cafodd peiriannau a goleuadau eu torri, briciau eu rhwygo oddi ar balmentydd a ffyrdd wedi’u hatal.
Bu’n rhaid i’r heddlu chwistrellu’r protestwyr â phupur, nwy a dŵr i’w tawelu ond maen nhw wedi amddiffyn eu hymateb.
Er i bleidiau o blaid democratiaeth ennill yr etholiadau diweddar yn y wlad, does dim arwydd fod y protestiadau am ddod i ben.
