Ar ddiwrnod cynhadledd y G20, mae un o wleidyddion amlycaf yr Undeb Ewropeaidd wedi ceryddu Vladimir Putin.
Mewn cyfweliad â’r Sunday Times mae Arlywydd Rwsia wedi dweud bod cyfnod rhyddfrydiaeth – yr athroniaeth sydd wrth wraidd hawliau dynol a rhyddid y wasg – “wedi dod i ben”.
Gydag arweinyddion y byd yn cyfarfod yn Japan heddiw, mae arweinydd y Cyngor Ewropeaidd wedi beirniadu Vladimir Putin yn hallt.
“Rydym ni yma yn Ewropeaid,” meddai Donald Tusk, “ac rydym ni yma gyda’r nod o amddiffyn a hybu democratiaeth ryddfrydol.
“Awdurdodaeth, gogoneddu arweinwyr, a rheolaeth dynion busnes – does dim lle i’r rhain yn ein byd ni bellach. Dw i’n dweud hynny, er ei bod nhw’n effeithiol weithiau.”