Mae cyn-Arlywydd Ffrainc Nicolas Sarkozy yn wynebu achos llys am lygredd.
Mae’r gwleidydd 65 oed wedi wynebu sawl ymchwiliad barnwrol arall ers gadael ei swydd yn 2012.
Mae Sarkozy wedi’i gyhuddo o geisio cael gwybodaeth yn anghyfreithlon gan ynad, a hynny ynghylch ymchwiliad oedd yn ei gynnwys yn 2014.
Mae’n wynebu achos ym Mharis ynghyd â’i gyfreithiwr Thierry Herzog, 65, a’r ynad, Gilbert Azibert, 73.
Maent yn wynebu dedfryd o garchar o hyd at 10 mlynedd ac uchafswm dirwy o filiwn ewro (£900,000) os byddant yn euog.
Mae gwrandawiadau wedi’u trefnu tan Ragfyr 10.
Mae Sarkozy ac Herzog wedi’u cyhuddo o addo swydd i Azibert yn Monaco yn gyfnewid am ddatgelu gwybodaeth am ymchwiliad i amheuaeth o ariannu ymgyrch arlywyddol anghyfreithlon.
Dywedodd Sarkozy ei fod mewn hwyliau “ymosodol” a bod y gwirionedd “yn dod allan o’r diwedd”.
Ail achos
Yn y cyfamser, bydd y cyn-Arlywydd yn wynebu achos arall yng ngwanwyn 2021 ynghyd â 13 o bobl eraill ar gyhuddiadau o ariannu ei ymgyrch arlywyddol yn 2012 yn anghyfreithlon.
Mae ei blaid geidwadol a chwmni o’r enw Bygmalion wedi’u cyhuddo o ddefnyddio system anfonebau arbennig i guddio gorwario.
Gallan nhw fod wedi gwario 42.8 miliwn ewro (£38 miliwn), bron ddwywaith yr uchafswm a awdurdodwyd, i ariannu’r ymgyrch.
Gwrthwynebwr Sarkozy, Fancois Hollande, enillodd yr ymgyrch yn y pen draw.
