Kim Jong Un
Mae ffilm ddadleuol am gynllwyn i ladd arweinydd Gogledd Corea Kim Jong Un wedi llwyddo i ddenu’r tyrfaoedd, gan wneud elw o fwy na chwarter miliwn o bunnoedd yn ei wythnos gyntaf ym Mhrydain.
Cafodd The Interview ei chanslo ym mis Rhagfyr y llynedd, ar ôl i hacwyr fygwth cynnal ymosodiadau brawychol ar sinemâu oedd yn dangos y ffilm.
O ganlyniad fe benderfynodd Sony ganslo dangosiadau o’r ffilm yn yr Unol Daleithiau cyn gwneud tro pedol cyn y Nadolig yn dilyn pwysau gwleidyddol.
Roedd yr FBI wedi cyhuddo Gogledd Corea o hacio cyfrifiaduron Sony.
Mae ffigyrau gan y Sefydliad Ffilm Brydeinig yn dangos fod y ffilm wedi gwneud elw o £283,811 mewn 287 o sinemâu yn ystod ei wythnos gyntaf ym Mhrydain.
