Mae gwraig a mab arweinydd y grŵp eithafol, y Wladwriaeth Islamaidd (IS), wedi cael eu harestio yn Libanus.
Dywedodd swyddog milwrol yn y wlad bod y ddynes a’i mab wedi cael eu dal yn defnyddio cardiau adnabod ffug yn Beirut tua 10 diwrnod yn ôl.
Gwrthododd y swyddogion roi unrhyw fanylion am y ddynes, ond credir ei bod yn un o wragedd Abu Bakr al-Baghdadi, arweinydd y grŵp.
Dywedodd y swyddog milwrol bod y fenyw yn dod o Syria.
Papur newydd dyddiol Fel-Safir yn Libanus oedd y cyntaf i dorri’r newydd, gan ddweud fod y pâr wedi cael eu dal ger man croesi ar y ffin â Syria.
Ychwanegodd y papur fod yr ymgyrch wedi bod mewn “cydweithrediad ag asiantaethau cudd-wybodaeth tramor”.
