Joan Rivers
Mae Tywysog Cymru wedi brolio “awch anferthol” Joan Rivers at fywyd.
Bu farw’r ddigrifwraig yn 81 oed wedi iddi ddiodde’ trawiad ar y galon.
Yn ôl adroddiadau mae’r Tywysog Charles a’i ail wraig Camilla Duges Cernyw yn “drist iawn” yn dilyn ei hymadawiad.
Roedd Joan Rivers yn eu priodas nôl yn 2005.
Meddai Charles: “Roedd Joan Rivers yn ddynes neilltuol gydag enaid gwreiddiol a diguro, gyda synnwyr digrifwch diddiwedd ac awch anferthol tuag at fywyd. Bydd y golled yn enfawr ac ni fydd unrhyw fodd i neb lenwi ei hesgidiau.”
