Mae dau wedi marw ar ôl damwain yn yr Alpau. Fe gwympodd carreg anferth a glanio ar drên twristiaid, gan ei anfon oddi ar y cledrau.
Fe ddigwyddodd y ddamwain heddiw ar gyrion tre’ Annot yn Ffrainc, ac mae Maer y dre’ honno wedi ymddangos ar deledu i gyhoedd “yn anffodus, mae dau o bobol wedi’u lladd”. Mae’r awdurdodau hefyd wedi cadarnhau fod nawr o bobol eraill wedi’u hanafu.
Mae ‘Trên y Pinwydd’ yn rhedeg o ddinas Nice yn ne Ffrainc i Digne-les-Bain. Roedd tua 30 o bobol ar ei fwrdd pan aeth oddi ar y cledrau.
Fe fu’r trên yn hongian yn beryglus yn yr awyr am dair awr wedi’r ddamwain.
