Mae 27 o bobl wedi marw mewn damwain ffordd yn Ne Affrica, yn ôl yr awdurdodau yno.
Yn ôl adroddiadau roedd lori wedi gwrthdaro yn erbyn nifer o gerbydau ddoe yn Pinetown, i’r gorllewin o ddinas Durban.
Dywedodd un meddyg oedd ar y safle bod 80 wedi’u hanafu.
Mae ymchwiliad ar y gweill i achos y ddamwain.
Mae gweinidog y cabinet Jeff Radebe wedi galw ar yrwyr i fod yn wyliadwrus ar y ffyrdd yn dilyn tair damwain angheuol o fewn y dyddiau diwethaf.
