Safle'r ffrwydrad yn Boston
Roedd un o’r myfyrwyr sydd wedi eu harestio yn achos bomio marathon Boston wedi cael dod i’r Unol Daleithiau o Kazakhstan ym mis Ionawr er nad oedd ganddo fisa myfyriwr dilys.
Mae Azamat Tazhayakov, ffrind a chyd-ddisgybl i un o’r rhai sy’n cael eu hamau o’r ymosodiad, Dzhokhar Tsarnaev, ym Mhrifysgol Massachusetts, Dartmouth, wedi ei gyhuddo o helpu i gael gwared a gliniadur a bag o ystafell Tsarnaev yn dilyn yr ymosodiadau a chyn i’r FBI gyrraedd.
Mae llywodraeth yr Unol Daleithiau yn cydnabod nad oedden nhw’n gwybod bod y myfyriwr wedi gadael y coleg pan gafodd ei adael yn ôl i’r Unol Daleithiau.
