Barack Obama
Fe fydd yr Arlywydd Barack Obama yn ymweld â Boston heddiw ar gyfer gwasanaeth i gofio’r rhai fu farw ac a gafodd eu hanafu yn y ffrwydradau ym Marathon Boston ddydd Llun.
Cafodd tri o bobl eu lladd yn y ffrwydradau – Martin Richard, 8 oed, Krystle Campbell, 29, a’r fyfyrwraig o Tsieina Lu Lingzi – a dros 170 eu hanafu.
Yn y cyfamser dywed yr FBI eu bod nhw wedi gweld rhywun maen nhw’n ei amau o osod y ddyfais ar gamerâu teledu cylch cyfyng.
Does neb wedi hawlio cyfrifoldeb am yr ymosodiad hyd yma ac, yn groes i adroddiadau ddoe, does neb wedi cael eu harestio.
