Dynes wedi’i tharo a’i lladd gan feic pedair olwyn ar balmant yn Glasgow

Mae dynes 75 oed wedi cael ei tharo a’i lladd gan feic pedair olwyn ar balmant yn Glasgow.

Fe ddigwyddodd am 3.10yp ddoe (dydd Sadwrn, Gorffennaf 13), a bu farw’r ddynes yn y fan a’r lle.

Mae dyn 23 oed wedi cael ei arestio mewn perthynas â’r digwyddiad, ac wedi cael ei ryddhau dan ymchwiliad.

Mae’r heddlu’n apelio am wybodaeth.