Mae Heddlu Gogledd Swydd Efrog yn rhybuddio am beryglon y cyffur MDMA yn dilyn marwolaeth merch 15 oed.

Cawson nhw eu galw i faes parcio yn Northallerton am oddeutu 9.30 neithiwr (nos Sadwrn, Mai 12), yn dilyn adroddiadau bod merch yn anymwybodol.

Mae lle i gredu ei bod hi wedi cymryd y cyffur.

Cafodd ei chludo i’r ysbyty ym Middlesbrough, lle bu farw’n ddiweddarach.

Mae’r heddlu’n rhybuddio pobol i beidio â phrynu’r cyffur, ac i geisio cymorth meddygol os ydyn nhw wedi ei gymryd.

Maen nhw hefyd yn apelio am wybodaeth ynghylch marwolaeth y ferch.