Mae arweinwyr yr Undeb Ewropeaidd wedi caniatáu estyniad chwe mis i Brexit ar ôl pum awr o drafodaethau ym Mrwsel neithiwr (nos Fercher, Ebrill 11).
Hydref 31 yw’r dyddiad newydd y bydd gwledydd Prydain yn gadael yr Undeb Ewropeaidd, os yw cytundeb y Prif Weinidog, Theresa May, yn cael cefnogaeth gwleidyddion.
Mae’r dyddiad cau hyblyg yn golygu na fydd yn rhaid i wledydd Prydain adael yr Undeb ddydd Gwener (Ebrill 12), gydag Aelodau Seneddol yn dal i fethu ä chytuno ar fargen.
Neges arlywydd y Cyngor Ewropeaidd, Donald Tusk, i’w “ffrindiau Prydeinig” oedd “plîs peidiwch â gwastraffu amser”.
Roedd Theresa May wedi mynd i Frwsel yn y gobaith o gael gohiriad byrrach ar ôl datgan y byddai gwledydd Prydain yn anelu at adael yr Undeb Ewropeaidd cyn gynted â phosib.
Mae’n rhaid i wledydd Prydain nawr gynnal etholiadau Ewropeaidd ym mis Mai, neu adael ar Fehefin 1 heb gytundeb.
Yn ôl y Cyngor Ewropeaidd hefyd ni ellir ail-agor y trafodaethau cytundeb ymadael.
