Dyn yn cael ei saethu’n farw gan yr heddlu

Mae dyn 31 oed wedi cael ei saethu’n farw gan blismyn arfog mewn cyrch yn Coventry. Cafodd ei enwi’n ddiweddarach fel Sean Fitzgerald.

Cafodd dau ddyn arall eu harestio yn y cyrch neithiwr.

Roedd y plismyn yn gweithredu gwarant mewn tŷ ar Burnaby Road yn y ddinas am 6.20pm, yn ôl heddlu West Midlands.

Yn ôl adroddiadau gan bobl leol, roedd mwy na 17 o geir heddlu’n cymryd rhan y cyrch.

Mae Swyddfa Annibynnol Ymddygiad yr Heddlu (IOPC) wedi cadarnhau eu bod nhw wedi agor ymchwiliad i’r digwyddiad.