Mike Towell (o dudalen Facebook y bocsiwr)
Mae’r bocsiwr Mike Towell wedi marw ar ôl dioddef anafiadau i’w ben mewn gornest yn erbyn y Cymro Dale Evans yn Glasgow nos Iau.
Roedd wedi cael ei ruthro i ysbyty Dundee yn dioddef o waedu difrifol a’i ymennydd wedi chwyddo. Fe fu farw yno neithiwr am 11pm.
Roedd yr ornest yn cael ei darlledu ar STV Glasgow pan ddioddefodd Towell ei anafiadau angheuol.
Roedd y bocsiwr o’r Alban wedi ennill 11 o ornestau yn ei yrfa broffesiynol, dod yn gyfartal mewn un a heb gael ei orchfygu ddim un waith.
Roedd wedi cael ei daro i lawr yn y rownd gyntaf nos Iau, ac wedyn yn y bumed, pryd y daeth yr ornest i ben.
Roedd yn 25 oed.
